شوية حاجات مهمه لازم تتعلمها
اعمل مسافه بينك و بين الناس مهما كانوا قريبين .. لو قربت بيعضوا
و العضه بتيجي ف القلب علطول
*ماتنساش انك جاي الدنيا تعيش حياتك انت و قصتك انت مش قصة غيرك فـ ركز ف حياتك و تجنب حوارات و مشاكل البشر، لأن حرفيا هَتِهلَك..
*لو مشيت بمبدأ “لا” كله الا ده فـ انت هتلبس أكبر مقلب ف حياتك و هتكتشف سذاجة ظنونك و أحكامك الخطأ و انه مابتجيش الا من ده..
*كله الا نفسك .. نفسك غاليه اوعي ترخصها تحت اي قناعه..
*لو شايف انك ف دايرة غلط، يعني مجتمع مش شبهك، مش مفيد، مُرهِق، بتوع مصالح، ابعِـد لأن ده كمين مش هتفوق غير و نص عمرك ضايع ف المكان الغلط وٌسط الناس الغلط و هتندم علي
الي فات فِهم الناس و الدنيا صح
مافيش حد او حاجه ف حياته بتاخد حجم اكبر من حجمها و مش بيفرق معاه غير انه يبقي شخص مُسالِم مش مؤذي و عايش ف هدوء و شاري دماغه.. و قافل حياته ع كام شخص محترم و اصيل شاريه و شكرا ع كده..
الدنيا ع قد صعوبتها و حـمولها التقيله
علي اد تفاهتها.. فـخلينا مانوجعش قلوبنا و ناخد من الي فات وعِبره للجاي
تحرير دعاء نور
