من أقوى و أجرأ مشهد فى مسلسل العائدون وتحديداً الحلقة ١٤ فعندك مثلاً الموضوع ده مهم وخطير جداً أقصى ماتتصور و ماينفعش التعامل فيه بأى تهاون بتاتاً فده شكل جديد من الهجوم فهو سلاح جديد بيستخدموه جنب سلاح التطرف علشان يوصلوا للنتيجة إللى همه عاوزينها .
إحنا متابعين يا فندم دعوات التشكيك والإلحاد المنتشرة على السوشيال ميديا بشكل مكثف الفترة إللى فاتت وإتأكدنا إنها موجه مش عفوية فى جهات بتديرها بشكل منظم وتصاعدى ولها إستراتيجية بتصعدها بس إحنا الحمد لله قدرنا نوصل لمفاتيح هتوصلنا مين وراء الدعوات دى .
همه طبعاً بيستغلوا الهزة إللى حصلت للناس والشباب خصوصاً بعد تجربة الجماعة وممارسات داعش وأخواتها وبيحاولوا يشككوا الشباب فى كل الأديان والشرائع السماوية .
أنا شايف يا فندم إن الموضوع ده مترتب له من قبل كده و مش جاى صدفة خصوصاً إنه ماشى مع حملة الترويج للشذوذ الجنسى إللى بدأت من فترة واضح إن مرحلة ضرب الثوابت بدأت و بدأت بعنف .
كل إللى حصل ده تمهيد للأرض لإنهم فعلا بيحاولوا يضربوا كل الثوابت إللى فى المجتمع { الأديان – الوطن – اللغة – الاعراف – التقاليد حتى شكل الأسرة اللى إتربينا عليه } .
ما هى الثوابت دى بالنسبة لهم يا فندم bad for business هى إللى واقفة عقبة أمام مكاسبهم السياسية والإقتصادية وهمه عاوزين فرد مش متمسك بحاجة ولا منتمى لأى حاجة علشان يعرفوا يسيطروا على دماغه ومشاعره وأفكاره ويحركوه بالشكل إللى يناسب مصالحهم وفى الإتجاه إللى يكسبهم أكتر علشان كده لازم نتوقع إنها هتكون معركة طويلة وهتستمر لفترة ولازم نكون جاهزين لها
