حلقة،، ذكر،، ♕
************
دنيا عظيمة فيها المسرح
فيها السيما و ليها جمهور
فيها العالي و فيها الواطي
و فيها ال مش بيصيبه الدور
فيها الباشا و فيها البيه
و الشقيان مش لاقي طابور
و انت ما بينهم حاير بينهم
زي الطير بجناح،، مكسور
ايه يعني لو تطلع بينهم
ولا لاقيت سلم مكسور
ولا يجوز،، شايفينك غيرهم
و انت يا حول الله،، مجبور
شايف غيرك،، واخد وضعه
و قدامك،، بيعيش في الدور
نفسك تفتح باب للجنة
تتهني و تسكن في قصور
شوفت جهنم، حوالين، منا
شوف بعنيك،، تلقاك مأسور
شايف الدنيا في عينك غابة
و تعالب،، بتلف،، تدور
و مغارة،، بتملاها،، ديابة
مين يجاريهم،، غير مغمور
و نفاق،، يتلحن،، بربابة
و الراوي بينط،،، السور
و السميعة دي صنف غلابة
كل ما فيهم بات،، مقهور
راح اشوفك وانت كمان شوفني
وطُل في وشي،، بعد سنين
انا عارفك و انت هاتعرفني
بس بتسأل،، هو،، دا،، مين
اصل الدنيا تلاهي يا صاحبي
مافيهاش حد بيعرف،، حد
في وقت الجد،، الكل بيجرى
و اللي بيفضل،، شكله حزين
عيشت سنينك ايام ضايعة
و سنين عمرك، ما بتسواش
شوفت ضماير ناسك، بايعة
في الغلا،، بايعينك،، ببلاش
كل الناس افعالها،، مضارعة
و فعل الماضي،، كأنه ما جاش
والباقيين،،، طالعين،، في القُرعة
في،، حلقة،، ذكر،، ما تستناش،،!!!
********************
اشعار / ياسر عبد الحميد
********************
