خواطر وأشعار
كرباج حبك
(قصيدة)
_______(كرباج حبك)
____&___
أنت السعادة والهنا.
وونيسي ف المنام..
جنبك بسهر و أحب،
عيونى ف حضنك تنام….
وان عدا يوم من غيرك،
يا وليفي و انا طيرك..
يغيب عني الكلام،
وتهجرني الأحلام….
ما تصحنيش من حلمي.
وسيبني أحلم يا همي..
خلى السنين دى تمر،
من غير قسوة و ألام….
دا انا كلي جراح وأسية.
وزهوري كانت منسية..
ولما قابلتك انت بالحب والحنية،
طيبت جروحي أوام….
أتارى اللى مر ف عمري.
كان كدب على أوهام….
ومعاك عوضني قدري..
وجدد ف قلبي هيام….
خلاني أطير ف السما.
بجناح مفرود إنما..
من غيرك يكون مكسور،
داانت الهوى و النور..
وأه من ضحكتك ياسلام….
على رعشتى بين إيديك.
تلم العاشقين حواليك..
يتعلموا من كرباج حبك،
ازاى يصبح ريش نعام….
داانت السعادة والهنا..
وونيسي ف المنام…
جنبك بسهر و احب..
عيوني ف حضنك تنام….
بقلم/الشاعر.
السيد حسن السيد.
24/4/2021