قصيدة قلم رصاص….
قصيدة قلم رصاص….
أيمن البكري
ساعات كتير بيبقى نفسى
أجيب ورقه وقلم وأكتب
وأطلع كل إل جوايا
مواقف كتير إتراجعت فيها
ماكنش عندى الشجاعه
إنى أكمل للنهايه
وناس كتير إتخدعت فيهم
طلعوا ضدى
كنت فاكرهم معايا
ومن هنا هتلاقى
أول خيط يوصلك
لل البدايه
نفسى أكتب كل حاجه
بس أكتبها ب قلم رصاص
علشان بدأت قويه
ودلوقتي إتمسحت خلاص
من بداية حلم واد ابن ١٧
بيحلم يسافر
تعدى أيام وتروح أيام وتيجى أيام
وتتهد أحلام وتضيع احلام
وهو لسه بيعافر
من أول حب ف حياتوا
وكل قطر عدى عليه وفاتوا
كل حاجه بقت ماضى
ودلوقت بقت شىء عادى
إتمسحت مع حاجات كتير
مابقتش موجوده حتى ف ذكرياتوا
ب قلم رصاص إكتبينى وإمسحينى
ياما خفت حد يشوف صورتك ف عينى
ياما كنت بحلم أكون معاكى
ياما كنت بتمنى رضاكى
كنت بتمنى اسمع منك كلمه
وياما كنتى بسكينه تلمه
بتدبحينى
قلم رصاص كتبت بيه
كل واحد أمنتوا ووثقت فيه
إل باع عشرة سنين
وإل شافنى حزين
مقدرش يخبى الفرحه
إل ف عنيه
وناس خاينه وناس جارحه
وناس جايه وناس رايحه
كلهم إتكتبوا بقلم رصاص
وإتمسحوا ذى ما إتمسح
كل شيء
