عروستى……
عروستى……
………….. أيمن البكري …………..
ندر عليا ل أفرشلك الأرض رمله
ف يوم زفافنا كل إل شافنا
على النبى صلى
عروستى ذى القمر
ودى مش مجامله
أوعدك يا نور عينى
هشيلك ف نن عينى
وهعاملك أحسن معامله
إستخسرت الأيام الفرحه فيا
وناس حبوا جرحى ودموع عنيا
لحد ما ربنا بعتلى هديه
بنت حلوه تحبنى وتخاف عليا
أجمل صوت ف الدنيا لما تنادى
بحس إن قلبي سعيد وهادى
أنا حبى ليها مش حب عادى
هى دارى ووطنى وبلادى
مبروك علينا يا عروسه
منوره الفرح والكوشه
إنتى يابنت حتة بسبوسه
جامده فوق وتحت
ف عيونك سحر لما تبان
وخدودك خدود غزلان
وشفايفك أحمر من الرمان
أنا دلوقت بس إرتحت
إرقصى على دقات
قلبي إل دايب
إنسى كل إل فات
يا أغلى الحبايب
صوتك حلو وذى السكر
ومعاكى مش قادر أفكر
بتقولى بحبك
لا أنا بحبك اكتر
وقبلك كان حظى غايب
ندر عليا ل أفرشلك الأرض رمله
ف يوم زفافنا كل إل شافنا
على النبى صلى
عروستى ذى القمر
ودى مش مجامله
أوعدك يا نور عينى
هشيلك ف نن عينى
وهعاملك أحسن معامله
