لسااااااه مظلوم.

لسااااااه مظلوم

بقلم /عماااد الأبنودي

………………………

أوقات الدنيا مابتحسش

و لا تقدر وجع مظلوم

و كلمة الحق مابتهزش

تصرخ و صوتها ليه مكتوم

تايهه الحقيقة في دروبها

ماشيه تلمم أوجاعها

و مين ياعيني يسمعها

و المظلوم لساه مظلوم

كلو سادد ودانه بطينه

و محدش سامع ولا نيله

بيرد لغيره أهو جميله

و الغلبان يبات مهموم

و ناس ساكنه في العالي

وناس آخرها البدروم

و ناس راضيه و شقيانه

و غيرهم راضين بالمقسوم

و خدود دمعها أهو جاري

شايلين الحزن طوالي

عماله تعااافر و تعاني

غرقانه لساها ف هموم

مفيش واقفه لو ثانيه

لقلوب اطماعها دايما حاميه

شايفين دنياهم هيه الدنيا

وأحوالهم دوماً راح تدوم

حتي العبرة ماهيش بقاموسهم

عملوا أسوار مقويه نفوسهم

و خلوا عجلات الشر تدوسهم

و كنزوا أطماع ليهم بالكوم

ناب الظلم مهما كااااااان

عفي و قوته تظهر كمان

شوكته راح تاكلها الغرباااان

و ظلمه لمصير معدوووم

بقلم

عماااد الأبنودي

22 /2 / 2022