كلام الناس
بقلمى محمد عنانى
ما تِسمعشي لكلام الناس
لايوم بيودى ولا بيجيب
كلام فاضى وما له أساس
وتلقاه على الدوام بيخيب
لناس خاليه من الإحساس
شاطره بس فى الألاعيب
وبين شيطان وبين هلاس
وأنواع من بشر تراكيب
وبين فاضى وبين دلاس
حتشوف الكتير آلاعيب
وناس الشر ليها مراس
تقول الصدق أكبر عيب
ماتسمعشى لكلام الناس
ولا تحسبله يوم أحاسيب
ولا بسببه تكون محتاس
ما دام للحق تِبقَا حبيب
وكن واثق برب الناس
سبحانه الوكيل وحسيب
