إن كانت ، تعود
************
إن كانت تعود
إرميها بألف عود
لو زورت قبرها
ارمي شوية ورود
لا تعاتب في السئيل
ولا تمشي ف مستحيل
خلي قلبك دليل
ولا يشغلك حقود
إن كانت تعود
اعزف ريشتك بعود
و أطرب نغمك و جوود
عدي بيه الحدود
و ارسم بوست لأماني
إن انت حد تاني
و عشان ما انتاش اناني
رافض تدي ف وعود
إن كانت تعود
إنكر كل اللي ناكرك
قرب من اللي فاكرك
و احفر وطنك في قلبك
املا ، كفة ميزانك
و ابعد عن اللي هانك
اعرف كان فين مكانك
و اعمل إثبات وجود
و ان كانت تعود
إحسبها و إتأمل
مين كان معاك كمل
و ان كنت تتحمل
شبكها في الاوجاع
و احسب ف يوم مين باع
بين صُحبة فرش متاع
شطبت علي اللي يجود
و إن كان ماليكش ، وجود
ف بلاها لو ح تعود
*******************
شعر / ياسر عبد الحميد
*******************