& صالحوا قلوبكم &

& صالحوا قلوبكم &
بقلم / عمااد الأبنودي
……………………….
صالحوا قلوبكم بالمحبة
و دفوا بعض بالحنين
و إعملوا للكره مقاطعة
و بلاها فراقنا … اللعين
ليه سنينكم تضيع أونطة
في درب الجفا الحزين
و نقف لبعض ع الواحدة
تقولشي صراع الكااارهين
بلاش نأخد جمب و سكة
و نقول كدا …. كويسين
زرع الحياة بيموت فلحظة
و اللي باقي هما يومين
ياريت الحب يبقا السلطة
و الكل ليه يبقوا خاضعين
و ننسي ما بينا أي غلطة
تزرع لينا فرقة سنين
أصل الندم ملهش فايدة
مادام فات وقت الحنين
دي الحياة مالهاش إعادة
و مش بنعشيها مرتين
و الخسارة ضربة قاضية
لو حبايبنا … مفااارقين
ركزوا ….. دي دنيا فانية
مابتدومش يااا بني آدمين
،، بقلم ،،
عمااد الأبنودي
‏16 , 4 , 2024