مفترق الطرق
نشوى فارس
و جمعتنا يا دنيا و نورتي النور في عنينا
و لملمتينا يا دنيا………. من مفترق الطرق
و عيشتينا في ثانية…… امل الحلم البرئ
و رجعتي مرجحتينا…. يا دنيا و طوحتينا
و رمتينا و مشتينا في طريق غير الطريق
و القلب الوافي الجرئ في عذابه….. غرق
و عرفنا ليه يا دنيا من الأول جمعتينا
علشان دلوقتي تاني في الآخر نفترق
سلام سلام سلام…….. لعيون ما تعرف تنام
و قلوب دابت كلام عشقت راحت و رجعت
بإيدين حاضنة الأوهام و العمر……. بيتسرق
و عرفنا ليه يا دنيا من الأول جمعتينا
علشان دلوقتي تاني في الآخر نفترق
و آه منك يا دنيا توفي وتغدر في ثانية
مالكيش عزيز و لا غالي حيرتينا معاكي
و تجرّي القلب وراكي و كأنه في.. سبق
و عرفنا ليه يا دنيا من الأول جمعتينا
علشان دلوقتي تاني في الآخر نفترق
و بلاش توعدينا نحلم…… و تضيعينا
و لا بتحسي بينا… نصبر و لا تستنينا
و القلب يوفي و مصدق يحلم يدوب
و يعشق…. و في ناره………. بيتحرق
و عرفنا ليه يا دنيا من الأول جمعتينا
علشان دلوقتي تاني في الآخر نفترق
و ليه جمعتينااااا…….من مفترق الطرق
كنتي يا دنيا سبينا لا نتقابل و لا نفترق
مرتبط
زر الذهاب إلى الأعلى