خواطر وأشعار
قصيدة عروسة المولد
قصيدة
عروسة المولد
كلمات/أيمن البكري
أنا عايز أقولك كلوا تمام
وذي ما بصحي برضوا بنام
ومجاش ف غيابك يوم أزمه
الحزن داه كان سببه الجزمه
كانت أضيق من خلقي يوميها
وعلشان كده بكيت
مين قال إن أنا ف بعدك عني
ضعت أو إتهديت
أنا لسه أهوه بضحك وبغني
ومن ساعه ونص إتغديت
مش مضرب عن أكلي لفتره
ولا بحرق بوكس وكليبوترا
ولا ماشي بكسر ف حاجاتي
من بعدك أصبحت فلاتي
وحياتي كلها بنات
وبقلب من شات لشات
فاكراني مكسور وحزين
وعروسة المولد
أنا عايز أقولك هنساكي
مش هسهر من بعدك باكي
وكبيرك عندي أنا كام ساعه
فوعاكي تصدقي لو مره
أنا قولت كلام محصلش
عشان أظهر متماسك من بره