خواطر وأشعار
” كِلمه تأبين “
” كِلمه تأبين “
الشاعر /خالد فضل
ناس كتير وسطنا عايشه
ومش عايشه
وناس ماتت بقالها زمان
لكن وسط الحياه
عايشه
” كِلمه تأبين “
القصه مش بالسنين
ولا أد إيه عايشين
القصه إحنا مين
وأد إيه مأثرين
ومش مهم وضرورى
قولنا وكتبنا كتير
فى ناس بتكتب كتابه
مليانه غث ورتابه
كم وملوش تفسير
وناس بتكتب حروف
من نور إيديها تشوف
العلم ملو الكفوف
فلسفه وتفكير
منين بيجى الخلود
والرسوخ ف الوجود
زى الفراعنه الجدود
عظمه ماليها حدود
والدنيا عارفينها
واتشربوا منها
حتى إسألوا عنها
كل اللى كان موجود
هيقولك إن الحكايه
واضحه ومافيها غرابه
فى ناس عقولهم ماس
وف القلوب إخلاص
صادقه وحسّاسه
وناس عقولهم زييف
فى قلوبها وحش مخيف
خاينه وكدّابه
إهداء الي روح الكاتب سعيد الكفراوي أحد رواد القصة القصيرة
