الشهيد عمر القاضي وسلاحه في يده
الشهيد عمر القاضي وسلاحه في يده ومتحدثا لزملائه عبر الجهاز اللاسلكي” اضرب ع الكمين يا سمير غربّل الكمين .. أنا معايا عسكري مات أنا معايا شهيد وكلنا في السكة يا جدعان .. ابعتولنا دعم ودكوا الكمين علينا كلنا يا جدعان .. أنا بيني وبين العيال ٤٠ متر وذخيرتي خلصت ”
وفي وسط كل ده بيقول ل نِجِس من الأنجاس ولاد الكلب اللي بيهاجموه “تعلالي ياض تعلالي خدني لو تعرف !”
و بعدين بيقول “اتصبت ب 3 طلقات ..يا جدعان والنبي قولو لامي ابنك مات راجل و خلي بالكوا منها… و متنسونيش يا جدعان و ادعوا ليا ربنا يسامحني.. اشهد ان لا اله الا الله و ان محمد رسول الله”
كلمات بطل عندة ٢٣ سنة قبل استشهادة بدقايق ، صغير السن والخبرة عظيم العقيدة والإيمان .. عن أي بطولة وعن أي شرف وثبات وعقيدة تتحدثون ! تسلم البطن ال شالتك والإيد االي ربتك 😭
ربنا استجاب لدعوتك يا زينة الرجالة…
اتكلموا عن الابطال دول و اشهروهم احسن ما تشهروا عادل شكل و مجدى شطه وحمو بيكا ومحمد رمضان و الاشكال دى
خلوا اهله و عيلته يفتخروا بنفسهم قدام الناس ان ابنهم بطل في الجنة بدل الحزن اللي هما اكيد فيه..
جايز ده يشجع الناس تظهر المعدن الاصيل اللى اندفن جواهم..
