شنَّة ورنَّة

—- شنَّة ورنَّة

بيقولوا دا احنا ف البلد

لينا شنَّة ، ورنَّة

يمكن ليكم قُدَّام الناس

وما ليكم أبدا عمل

يحجزلكم مكان ف الجنة

عايزين تكونوا ليكم مكانة ؟

لازم تعملوا حساب الناس

واخلاقكم تلمع زيها زي الماس

وبسببكم اللي حواليكم يتْهَنَّى

ولو أنتم اصْلاََ ليكم قيمة

لا كل واحد ربنا يديلوا اللي يتمنَّى

يا ريت قبل ما تقولوا الكلام تعقلوه

وتسيبوا الناس في حالهم

وفي اديكم تكتَّروا الكلام وتقلَّلوه

قبلكم ناس قالت

احنا أحسن ناس

وبغباوتهم راحوا

وأنداسوا تحت المداس

واللي ليه أصل

بيشتال فوق الراس

والأصل مش مال ولا جاه

دا الاصل في احترام الناس

وتاريخهم بينكتب

بحبر الأدب في الكراس

وحروفهم بتترسم

ويبان على الوشوش احساس

وقيمته في سوق الرجال غالية

دا حتى إيديه تتباس

وف الوقت ده هنقول

والكل يحكم ويشاور

ويقول هم دول

فعلا دا دول ولاد ناس

بقلمي

رمضان محمد محمود