خواطر وأشعار
” صباحك ياثورة “
” صباحك ياثورة “
صباحك ياثوره
ياثورة أكابر
يابنت الأكابر
يامزينه بالقصب
ع الكتف والحاجب
يا مشرفه اهلك
ومشرفه رجالك
عدا عليك الليل
مع إنه كله وييل
ولا يأس قرب ناحيتك
ولا جالك
لميتى جمبك عزوتك وعيالك
وناديتى
قوموا اتجمعوا ياولادى
قوموا اهتفوا لبلادى
وغنوا نشيد الفرح
دا النصر زرع طرح
وعليكى يامو الولد
رايح عليكى وسرح
هيغنى م الفرحه
ويغنى للثوره
صباحك ياثوره
في يونيه العظيم
وشعبك ياثوره
هيفضل كريم
ونيلك ياثوره
وهرمك ياثوره
في إيد الأمين
بقولك يابلدي
بقلبى يابلدى
بحبك يابلدي
بطول السنين
وبعشق عينيكى
وعشقى حنين
واقبل إيديكى
وصبح عليكي
وهنى حبايبك
فى يونيه المجيد
صباح المحبه
صباح الأماني
نهارك سعيد
الشاعر خالد فضل
