خواطر وأشعار
فيه ناس
–فيه ناس
—-كلمات الشاعر احمد جابر سويلم
فيه ناس تحب الضحك
وتموت فى هزاره
وناس تحب الجد ووصاله
وناس تسئل على الفقير وعياله
وصاينه فى الخفى اسراره
وناس تحب الخير وسعياله
فيه ناس الاصول عندها غاليه
وناس تدوس على الفقير وعياله
وناس عندها الكرامة متساوى
وناس للغنى تعمله ميت حاوى
ياصاحب العقل كم العقل بيساوى
ياشاهد الزور على شهادتك هتاخد كام
ياموزع الظلم نصيبك ليك نصيب منه
حتما طباخ السم له نصيب منه
متلومشى نفسك لو ذقت فى يوم مره
ضميرك فين ولااتنشل منك
فى عرض الناس داير تبيع ولابيهمك
عامل كبير والنمل حجمها كبير عنك
علشان فلوسك جمعت اصحاب
اصلك شيطان وفاكرهم بقوا منك
اعمل حساب اخرتك مالك ماهيدوملك
راجع ضميرك قبل مايجى يوم ذلك
بطل تعيب ع الناس فى الرايحة والجايه
الدنيا خداعة مش راح تكون دايمة
