خواطر وأشعار
وجعتنى
وجعتنى،،
شكراً لكل الناس
ال أمنتلها وخانتنى
وناس تانيه باعتنى
كل ضربه خدتها منكم
وجعتنى
بس احب اطمنكم
انها بردوا قوتنى
وخلتنى
أقف تانى على رجليها
واشوف الوحش
واعرف مين ال بيكرهنى
ومين ال كان خايف بجد عليا
اكتر حاجه وجعتنى
ال كنت فاكرها
اكتر واحده حبتنى
عشتلها ايامي
وضحيت عشانها ب احلامى
وكان جزائي ف الآخر
اتخلت عنى
ف اول ازمه قابلتنى
وعدى الوقت واديني دلوقت
ندمان وبقول يارتنى
وجعتنى وجعتنى
ناس سلمتهم امرى
ضيعوا اجمل سنين عمري
ناس كانت كتير قاسيه
وانا بعدي وبقول ماشيه
ناس مثلت الحب عليا
وهي عمرها ما حبتنى
وجعتنى وجعتنى
ناس عقولها مش راسيه
دايماً للجميل ناسيه
يقفولك على تكه
ويسبوك ف نص السكه
مهما تضحى علشانهم
وتمد ايديك وتدلهم
بردوا النيه مش سالكه
