خواطر وأشعار
حلمي غير زماني بقلم علي بدر سليمان
حلمي غير زماني
بقلم علي بدر سليمان
مابعرف شو عم بيصير
وليش الحالة تعبانة
عم برسم صور الأحباب
صور أهلي وخلاني
طال السهر قمرهم غاب
وحبهم غير عنواني
فارقتهم وطال الغياب
وعفراقهم أنا عم عاني
ماعم بعرف شو اللي صاب
قلبي وروحي وكياني
كم مرة هالقلب خاب
حتى النوم مجافاني
عم عيش بوهم وسراب
عم أرسم نصي الثاني
قلبي عم يرسم عذاب
نار بتحرق ولعانة
غامض ومسكر الكتاب
ويمكن ضايع عنواني
والأرض صارت يباب
والقدر ببحرو رماني
قتيل بوسط الأحباب
حلمي غير زماني
