نقطه من اول السطر انت البطل
نقطه من اول السطر
انت البطل
في حقيقة الامر المواطن البسيط الذي نطلق عليه المواطن الغلبان قول كده المواطن اللي مش لاقي شغلانه ولا عارف ازاي يحصل علي قوت يومه يوم شغل وعشره لأ ..او بياع من اجل ان يحصل علي بضع الجنيهات نعم بضع الجنيهات التي تسد بعض الاحتياجات من مأكل ومشرب وملبس وسكن بخلاف فواتير الكهرباء والمياه والغاز اقولك كفاية عليك كرتونه ابو كرتونه اللي عامل دوري رياضي في كورة القدم تحت مسمي ( انت البطل) فعلا بجد المواطن البطل ولكن نواب الشعب للاسف الشديد يعطي المواطن السمكه ولا يعطوه السنارة اقصد يعطوا المواطن الكرتونة من غير مايطالبوا ببناء مصنع او توفير فرص عمل حقيقية تتناسب مع الشباب اللي علي كراسي المقاهي زي الرز ياساده المواطن البسيط هو البطل الحقيقي لانه قادر علي المعيشة الصعبة والنواب ودن من طين واخري من عجين ..عزيزي القارئ لسنا مع احد ضدد احد ولا مع فلان ضدد فلان بل اننا ننتقد الذين بيدهم تغير الاوضاع ويمتلكون حق السؤال وطلبات الاحاطه وسن القوانين وايضا نلوم علي من يملك فرص عمل ويقوم بتوزيعها علي احبابه واصحاب الثقه له يعني قول كدة شلالية النواب ومصلاحجية النواب يصدرون للجميع الدنيا جميلة وكل المواطنين مرتحين …علي الهامش النواب لا يرون مواقف السرفيس العشوائية والسيارات المتهالكة ولا يرون بلطجية الشوارع والله فعلا المواطن هو البطل انه في ظل كل هذه الظروف …نرجع تاني ونقول الافضل ان اعطي السائل السمكة ام اعلمه الصيد الافضل ان ابحث عن فرص عمل حقيقية اوفرها للمواطن بدلا من فرص العمل الوهمية وبلاش شغل الاونطه والصور والكراتين اللي معظمها تأتي من تجار متهربين من الضرائب يعني بالبلدي كده اموال الشعب يتم نهبها بصور مزيفة علي انها مساعدات للبسطاء علي فكره لسنا ضدد المساعدات بالعكس نحن نشجع علي التكافل الاجتماعي بكل صوره ومع المواطن حتي يعيش حياه كريمة ولكن باستراتيجيات سليمة …اموال الضرائب المستحقة لو تم تحصيلها لن نجد فقير في مصر ..مصانع تبني اراضي تستصلح مدارس تبني يعني بالبلدي هنجد مصر في حته تانيه خالص ..فعلي الاحزاب وعلي من يمتلكون القرار اخلصوا النية الصالحة لبناء مصر ..مصر ياساده بيتك فعليك بناءه بناء صح
….الخلاصة
……فيتوووووووو
كدابين الزفة الجالسين علي كل الموائد بلاش تسرقوا اسيادكم
