خواطر وأشعار
هشد الكلام –كلمات الشاعر احمد جابر سويلم
— هشد الكلام –كلمات الشاعر احمد جابر سويلم
هشد الكلام من على لسانى
وهرمى معاه كل احزانى
هدوس ع الهم لو جانى
وللافراح هشد حبل اوصالى
سنين عشت باحزانى فى دوامه
وكلمة وصل متقطعة جواى
لابر لقيت له انا مرسى
ولاطير على شطى فى يوم يرسى
هشد الكلام من على لسانى
وهرمى معاه كل احزانى
هشيل همى على كتافى
واقول ياحزن كيلك بقى وافى
هدوس على الدنيا وافوت امشى
صحيح كاس الصبر مافرغشى
وقولة اه منها مبانامشى
وجرح جواى بقاله سنين مابيفارق
هشد الكلام من على لسانى
وهرمى معاه كل احزانى
حبيب القلب فاتنى وهجر عشه
لاقالى سلام ولاشفت انا ماشيو
يقابله غراب يدخله عشه
يشيل الهم وفوق الهم كمان غاشه
لطال يرجع ولاحتى اتبنى عشه
بعتلى رساله وفيها الدمع شكى حاله
رضيت بالهجر وفراقى اتحمل
خلاص قلبى اتقفل ومعاد لكلمة يتحمل
