النفسيه محتاجه،،،
النفسيه محتاجه،،،
كلمات……………أيمن البكرى
النفسيه محتاجه
عالم تانى وناس تانيه
ودنيا غير الدنيا
دنيا مفيهاش ناس خاينه
نيتها سوده مش باينه
وناس تانيه لفافه ودواره
ياخدوك على خوانه
وفاكرين أن الغدر شطاره
النفسيه محتاجه
اروح ل مكان بعيد
حتى لو هبقى وحيد
بس اكيد هبقى سعيد
مكان مايكونش فيه ناس
معدومة الاحساس
مهما تضحى علشانهم
يبعوك بكل سذاجه
النفسيه محتاجه
عالم تانى وناس تانيه
ودنيا غير الدنيا
دنيا مفيهاش
خيانه وكدب وغدر وغش
وناس بتضربك فى ضهرك
وبتضحكلك ف الوش
سكتهم تلاقيها
رحله طويله تمشيها
وترجع ف الآخر منها
من غير ولا حاجه
النفسيه محتاجه
بنت جدعه تصون الحب
وتكون ساكنه الروح والقلب
وصاحب شهم
يقف جنبك ف وقت الصعب
وجيران بتعامل بعض ب الحسنه
وناس بتجرى على عمل الخير
مش ناس سوده من جوه ووحشة
بتحب أذية الغير
فيه نوع من الناس تلاقيه
في الشر بس لو احتاجتوا
بيقتلوا القتيل
ويمشوا فى جنازتوا
معندهمش اى ضمير
النفسيه محتاجه
عالم تانى وناس تانيه
ودنيا غير الدنيا
دنيا مفيهاش ناس خاينه
نيتها سوده مش باينه
وناس تانيه لفافه ودواره
ياخدوك على خوانه
وفاكرين أن الغدر شطاره
