حكايه مع درويش،،،
—حكايه مع درويش،،———–كلمات الشاعر احمد جابر سويلم
صحبت صاحب وكان صاحب مايعرفنيش
قبلته صدفه وانا ماشى على الكورنيش
رميت عليه السلام معبرنيش
سئلته مالك قلى متسئلنيش
كفايه شفت الخيانه بعينى
من اصحابى ولما سئلتهم عملوا مايعرفونيش
انا كنت عايش فى حالى
لاليا صاحب ولااعرف طريق كورنيش
قبلت شله عاملين كلهم من الدراويش
وقت الصلا ةعالجامع ومع ربنا بنعيش
وفى يوم قبلنا شيخ ودقنه فى طولها متئليش
لابس عمامه وسبحه بيضه
انا قلت اكيد دا بقى من الدراويش
سلم علينا وقال ياشباب
بينا على الخلوه لجل مع ربنا نعيش
انا قلت حظك مالسما انك مع الدرويش
ودخلنا بيت مهجور ملان خفافيش
وبنات تحل من عالمشنقه جايين
بيقدموا الولاء والطاعه للدرويش
سئلت صاحبى عنهم قال متسئلنيش
الكل يسكت ما يتكلمش فى حاضرة الدراويش
شاور وقالى تعالى هنا قرب
الصحبه قالت قرب بسرعه من الدراويش
وقف حريمه وقال اختار منهم واحده
واختارت واحده وقال معاها تعيش
الليله هكتب كتابك وتبقى
من صحبة الدراويش
وعشت من النعيم شهرين
اكل ببلاش وفلوس كمان بقشيش
وفى ليله راجع خلوتى
لقيت حرمنا متسلطنه مع الدرويش
رميت يمين الطلاق وقلنلها متلزمنيش
نده الجماعه وقال لهم صحبكم مايعرفنيش
قالولى ليه تزعل سيدنا
انا قلت لاء متجيش
ادى حرمكم وادى خلوتكم وسبونى اعيش
وطلعت اجرى ومن يومها خايف
انى اقع فى ايدهم وسعتها ماهيرحمنيش
