خواطر وأشعار
أنا ندمان….
أنا ندمان….
كلمات/ أيمن البكرى
بموت من الخوف
كل اما اشوف
القتل بقا حاجه سهله
وناس تسرق وناس تنهب
وناس بتخون
وعشرة سنين بتهون
و ناس بتتأمر
وبيوت بتخرب وتتدمر
وعقول العلم ماليها
بس ف الاءساس جاهله
وهو داه طبع الإنسان
بعد ما يفوت الأوان
وكل شىء حلو يموت
يرجع يبكى ويدمع
ويصرخ بعلو الصوت
أنا ندمان
ويندم
بعد الندم مبقاش ينفع
مهما شال حزن وهم
وبكى بدل الدموع دم
خلاص إل ضاع منوا
دلوقتي مستحيل يرجع
أنا ندمان
كلمه بس بنقولها
لما نفوسنا بتيجى آخرها
يعدى شويه وننسى الدرس
وكأن أي شيء محصلش
ونرجع تانى ذى ما كنا
غايبه وميته ضمايرنا
وكل حاجه جوانا وحشه
لبعض بنشيلها
ونندم بعد الندم مبقاش يفيد
وال كان معانا وف أيدينا
بقا فى مكان تانى وبعيد
ومهما تبكى عنينا
مش هيرجع ال راح
ولا هتخف الجراح
ولا عمرنا هنرتاح
طول ما إحنا عايشين
