خواطر وأشعار
طريئك غير طريقى…..
——طريئك غير طريقى…..
—–كلمات الشاعر احمد جابر سويلم
كنت بتمنى ضحكه
كنت بتمنى اشوفك
كنت بخجل من كسوفك
كنت بهمس واقولك
لماقلبى يسئلنى عنك
عن هجرك وبعدك
كنت بشرب كاس كلامك
كنت بكره خصامك
كنت بتمنى سؤالك
رغم انى عارف جوابك
كنت عايش فى انتظارك
كنت بستنى الليل لطلك
كنت بسال نجمه نجمه
كنت شايفك زى نسمه
يوم ماشوفتك ويا البدر طله
والكلام فيه مزله
والحقيقه فى قلبى مره
رغم انى عارف كلامك
رغم كدبك فى انتظارك
تهتى حتى فى نهارك
تهتى حتى فى كلامك
والحقيقه عارفها مره
والخداع فى عنيكى ضحكه
انتهى ليلك معايه
وانتهى كلمة بحبك
وانتهى فى قلبى قربك
والبدايه وياغيرك هبتديها
ويا واحده تحس بيها
انتهيتى من طريقى
والطريق مبقاش طريئك
