ياليل الظلام…….
-ياليل الظلام…….
——-كلمات الشاعر احمد جابر سويلم
ياليل الظلام لساك بتتمخطر
شديت رحالى لطلة بدر هتجينى
غاب القمر ماعرفت انا فينى
لاذقت طعم النوم ولا رحل ليلى
هيفيد بايه الحزن وانت ظلام عينى
ندهت باعلى الصوت
م لقيت صدى جانى
يابدر فين طلتك لساك معاندنى
ياهم سوئك جبر عرفت تغلبنى
فتحت باب العند وقلت استنى
ازاى افوت الوطن وانا قلبى بتمنى
يادنيا تفتحى بابك تقفلى بابك
انا راح اعيش فى الوطن بنى
ولا يقلوش ان المصرى ترك ارضه
وارض الغير راح يشتغل بنى
لساى فارش فرشتى والليل بيتمطع
تفوت تجرى تستنى مهش فارقه
هقول ياغربه سمحينى
مليش فيكى انا بعدى
على ارضى انا عايش ومتهنى
هجوع طقه وطقة ليلى تكفينى
هقول يادمع مش وقتك تنادينى
انا ارضى صدى صوتها جواى
لو قلت افوت الارض
مين غيرى يرويها
يارض انا منك نبتى سمار لونك
هزرع وهستنى خيرك هيكفينى
وولادى وياى والهمه هتجينى
والفجر لو نادى نوره هيهدينى
فى صلاتى هدعيه بحبه يهدينى
وابنى على الجبهه بسلاحه يحمينى
وان مات على الجبهه فيه غيره يحمينى
يارب انا عبدك عينى وقوينى
يافرح ليه غايب خايف تقوينى
يادنيا لساكى جايه تعندينى
همك على كتفى شايله على جبينى
دا الاه كمان تكفى جايه تصحينى
ياحظ انا فينى لساك مفارفنى
ياليل الظلام لساك بتتمخطر
