طريق الغربه…..
طريق الغربه…..
كلمات ******* أيمن البكري
سلمنا ولادنا للغربه
فاكرين إن إحنا بنحميهم
أتارينا بنفتحلهم تربه
وب إيدنا بنقضى عليهم
سلمنا ولادنا لل الأيام
تتسلى وتقطع فيهم
لا حققوا فيها أحلام
ولا شافت الفرحه عنيهم
الغربه مش بس فلوس
الغربه نار واحزان وكابوس
وألم ودموع وجروح
كابوس كل يوم بيتكرر
والحلو فيها ممرر
شكلى ببتبدل ويتغير
وأيام حلوه بتروح
ليه ياأبا سبتنى أمشى
دا أنا عنيا مبتنمشى
كنت بتفكر في حياتى قدام
أدينى رجعت ب الاءوهام
شايل روحى على كفى
ليه ما نصحتنيش لما
ما كنتش شايف من الضلمه
قولتلى هتبنى وتعمر
أدينى رجعت متدمر
وإحمد ربنا فيه غيرى
رجع ل أهلوا متوفى
وسامحينى يا حبيبتى
على كل دمعه
نزلت من عنيكى علشانى
إتسببت ف جروحك
وإنتى بتفدينى بروحك
وأنا معاكى كنت أنانى
لما كان يزيد يأسى
كان بيبقى نفسى
أرجع أترمى ف حضنك
وأقولك إنتى وحشانى
وأدى الغربه إل بتقتلنى
ضيعتك إنتى كمان منى
وبقيتى لواحد تانى
طريق الغربه طريق صعب
كلوا ألم وخوف ورعب
وجراح ودموع وعذاب
بدايتوا حلم جميل
ونهايتوا سراب
مهما كانت الأسباب
مضيعش أحلى شباب
إوعى تفكر فيه
إوعى تدق الباب
