قلبي داب ……..
♡ قلبي داب
بقلم / عمااادالأبنودي
**************
عامله ضجة لا و ربكه
و لما تعدي يقوم زلزال
و من شاف جمالها
جاتلو خضه و ماقامش
منها ع دا الحااااااال
مفهاش غلطه العود لقطه
تقولشي
رسمها اجدع رسام
كايدة عزولها طبعاً بدلالها
بدون منازع أو أي كلام
حقها تباهها سبحان
من سواها
و خلي سحرها عال العال
جمال رباني وعيون آه ياني
يخلوا العود يعزف موال
دي حاله فريدة بس عجيبه
خطفت قلبي مع الأنظار
و لا تكفي
نظرة لسحر عينيها
مفاتنها حركت كل الأوتار
و أنا مش داري كده بحالي
و إيه السبب و إيه جرالي
أبعد كدا ياا عم مالي
بلاش أكون تايه محتار
مفيش كلام راح يتقال
لجل ما يوصف هذا الغزل
حتي المعاني لحدها توقف
و تغلبها
الحيرة بميت سؤال
يا أرضي اهدي اوع تهزي
لما شفتي المزة ديه تعدي
ضربتي
زغروطة حلوة مظبوطة
و قلتي للحلوة اسم الله عدي
بصي وسمي يا عيوني طلي
ملاك أهو ماشي ع أرضنا
حتي مشاعر الروح بتغني
لما الجميله فاتت جمبنا
و ادي الحروف نفسها تشوف
و بتبوح لها بمليون إعجاب
و تبعت سلام ويا الكلام
يقول لهواها قلبي داب
بقلم
عماااد االأبنودي
21 – 12 -2021
