ابن المطر _!!
ابن المطر _!!
الشاعر/عزيز الشهاوي
واقف مكانه م حد باصص ناحيتُه
السما غطاه والبرد واكل جِتتُه !!
رجليه وخداه من آه لآه لازماه !!
لا تفارق غُناه ، ومْغَرّقه سِكتُه
عرفاه الطرق من يوم م فتح عنيه!!
لا عرفله اب ، او أم تحابي عليه
الاسم غلبان أوي والعيله مجهوله !!
ابن الشوارع يمكن، ابن أمنا الغوله !!
غِير بقيت الخلق ، والاختلاف غِنىٰ
لقمه تِشَبّعُه ، وبعدها يمطّر غُنا !!
موال يا زمن آه ، وانت يازمن موال!!
دُقت منك ضنى .. ذُل ومهانِة حال
مين يا زمن أنا ؟!! لا حيلتي عم وخال !!
لا ام ف يوم شوفتها ، ولا اب كان شيال
زي الناس كلها ، وزي وحش الغاب !!
مين يا زمن انا ؟! حقيقه والا سراب ؟!!
كل الناس بتسأل ، قول موطنك ايه ؟!!
جنب كوبري يلاقوني ، ليه يسألوا ليه ؟!!
ابن المطر يمكن !! ،ابن الارض العجيبه !!
وانتوا ولاد الذوات ، والبيه بيطلع بيه !!
انا الزرع ياهانم ، قِطع غيار ليكو !!
ساعة عياكم بس ، بتسألوا عليه !!
تاخدو روحه جُمله .. والجسم قطاعي!!
حلمي كمان تاخدوه ، قلب وزياده عنيه !!
انا الزرع ياباشا ، انا الزرع يابيه !!
عايش على جُودك .. وكرمك آخره جنيه !!