أصرخ ياقلم……
أصرخ ياقلم
وأحكي
عن زمان الحب
واياك تهاب
الخوف وبالسكوت
تعشق الصمت
لا يا قلم
أحكي
والذي علم بالقلم
قول يا قلم
قول راح فين الحلم
وضاع وهان الحب بوداع
والأم فرقت الدار
والأولاد اتشردوا
قول يا قلم
فين الطيبة راحت
واتبدلت بحجر مشاعر
البشر
ولو نطق الحجر
بايه يحكي ويتكلم
وهو كل يوم بيتعلم
من حكايات
البشر
يو م غضب
ويوم فرح
وانكسار
وانفطار
ودموع تسيل من غير
وجع ولا ألم لكن مشاعر
وزمان
يدور ليل ونهار
وتقف الطيور علي الأزهار
تصدح للصبح وتنادي بالخير
أصحي يا كسلان
فوق يا انسان
من كبوة الملل والخمول
واسعي بنشاط للعمل
قول يا قلم
ليه كورونا
للعام الثاني بتزيد
مش عايزه تفارق بعيد
أختبار
ولا أقدار
ولا بلاء
ولا امتحان
ولا رسالة من راحمن
يقولك دا انذار
فوق من عبثك
وطيشك
والشيطان
وأسجد واركع لربك
بالخشوع والايمان
وسيبك من غباء
وعشقك للحرام
وأفتح ذراعك
للحب
والحياة
بالسلام
واقلع جذور الكدب
من قلبك وبصدق
عيش الزمان
الأستاذة والشاعرة
حميده الحنفي
٢٨/١/٢٠٢١
