خواطر وأشعار
مليت بافكارى — كلمات الشاعر احمد جابر سويلم
—-مليت بافكارى — كلمات الشاعر احمد جابر سويلم
مليت بافكارى معاكى
قوليلى عايزه ايه منى
عايش وراضى انا فى حالى
شايل همومى احزانى
جوا فى قلبى وكيانى
ياست روحى وفوتينى
قلبى خلاص وقفل بابه
ناقص فرائك وعذابه
خلاص انا عرفت هوايتك
كدبك وغشك وخداعك
لسانى فكرانى هقولك
انتى الامل وانتى الذكرى
وانتى حياتى اللى فى بكرا
من نوم وغفلة قلبى صحيت
قفلت بابى وقلت خلاص
سنين وعايش فى خداعك
شايلك وشايل اطماعك
همك على اللبس بتجرى
هاتلى وهاتلى كمان حاجه
وشنطة شيك هتجملنى
امشى وجامبك متقوليش
همك فلوسى تضيع ليكى
اهم حاجة ان ارضيكى
وفى ليله ماشى على الكورنيش
سمعت صوتك عنى بيحكى
وفى حقى زدتى فى اهانتى
مشيت وانا مليان براكين
طفيت لهيبى واحزانى
اهو درس خادتو وقوانى
علمنى احاسب فى كلامى
خلص كلامى معاكى خلاص
فوتينى وامشى بقى لحالك
وكفايه منك ماجرالى
وكفايه منك ما جرالى
