خواطر وأشعار
امتي هتحسي بيا.
امتي هتحسي بيا.
بقلم إبراهيم عيسى
امتي هتحسي بيا
معقول كده مش في بالك
بقول انتي اللي ليا
وانا الي كنت في خيالك
بلاش تيجي عليا
واحشني شوقك وسؤالك
انا تعبت من ظنك فيا
واكيد الأيام جايه لك
وهتعرفي انك ظالماني
وهتندمي علي أفعالك
امتي هتحسي بيا
معقول قلبك بقي حجر
لو عارفه اد ايه بحبك
وليكي قلبي انتظر
يا ما كنت بتمني اشوفك
ولو بيني وبينك سفر
بقولك ابقي معاكي
حتي لو الدنيا فيها مطر
امتي هتحسي بيا
كنتي اغلي من عنيا
بتهربي اني اكون معاكي
نسيتي اني كنت في يوم دواكي
مين كان دايما بيحبك
وكان بيحلم بلقياكي
نسيتيني وانا تعبان
وانا كنت جنبك مهما كان
لا خوفت من وجع
ولا من اي انسان
واضح اني كنت غلطان
وفي النهايه أنا الخسران
بس انا مش ندمان
كل واحد علي أصله بان
