شكرا يا صاحبي
بقلم حجاج فراج
شكرا يا صاحبي ع اللي أنت قلته
واللي عملته شكرا كتير
عيشي وملحي أنت اللي خنته
وماكنش عندك ذرة ضمير
شكرا علي أيام معاك أنا عشتها
شكرا علي أحلام كتير صدقتها
علي عشرة بدون تمن ضيعتها
علي ذكريات حلوة ومرة نسفتها
ما تصورتش انك تطلع يوم كداب
ما أتخيلتش أنك تقفل بينا الباب
لا لوم هينفع يوم ما بينا ولا عتاب
وأنسي حتي أننا كنا صحاب
أنا كنت أقرب لك من أهلك
كنت أما بتبعد بأندهلك
أنا عمري تاني ما هأرجعلك
من بعدي دور علي أحباب
شكرا يا دنيا ع المواقف والظروف
شكرا علي اللي أخترتهم من بين ألوف
نسيوا الجميل والود والقلب العطوف
ياما بكرة فيهم يازمن ياما نشوف
حجاج فراج
