أول تصريح لوالدة الطالب محمد عادل قاتـ ل الطالبه نيرة أشرف
احمد أبو سمك
في أول تصريح صحفي لوالدة الشاب محمد عادل بعد إن إستفاقت من غيبوبتها قالت .
محمد يتيم أبوه أتوفي وهو عنده 6 سنين وملحقش يشوفه ولا يقعد معاه
كان طيب وفي حاله وما بيكلمش حد حتى في منطقتنا لدرجه إنه مكنش ليه أصحاب
وكنت دايمآ باقوله صاحب الناس يا محمد وأتكلم معاهم
في الجامعه شاف نيرة و أتعلق بيها ولما عرفت قلتله بلاش يا أبني وخليك في دراستك
كنت خايفه عليه لإنه طول عمره كان متفوق وشاطر وبيطلع من الأوائل على دفعته
في الأول سمع الكلام وبعد عنها بس بعد كده رجع يكلمها تاني
وكان دايما بيني وبينه خناقات ومشاكل بسبب الموضوع ده بس صمم علي الـ في دماغه و فضل يكلمها
وياما وياما شوفنا مشاكل بسبب الموضوع ده ومحمد سلوكه أتغير خالص مبقاش محمد الـ أعرفه
كنت بقوله يا بني الناس دي مش شبهنا قال ليا يا ماما أنا بحبها
أنا مش عاوز أقول كلام يسيء لحد أنا عندي بنات وربنا يرحمها وينجي أبني
وقالت : أنها لا تعرف شئ عن عرض دية تصل إلي 5 مليون جنيه علي أسرة نيرة أشرف ، إحنا معندناش غير ستر ربنا هنجيب مليون ولا خمسه من فين ؟
أنا نفسي أشوفه من يوم ما حصل الـ حصل لا شفته ولا أعرف حاجه عنه
كل الناس زعلانه من محمد بس ده أبني يا ناس أنا أعمل إيه
وأختتمت أنا راضيه بقضاء الله وقدره
