—– مليش غيرك —– كلمات الشاعر احمد جابر سويلم
هو
ورغم عنادك اللى جواكى بحبك
ورغم الالم اللى من اساكى بحبك
تفوتينى وتقولى سلام ماشيه بحبك
ولو فتينى سنين العمر لساى بحبك
هى
ياطلة بدرى جواى يادنيتى الحلوه
ياالف حكاية وروايه تحلالى لومره
ياهمزة وصل جوايا فى صوت غنوه
ياضحكة امل طلت فى ضيها نسمه
هو
يانسمة شوق هواكى عليل يداوينى
يانور ضى لو جانى فى صوت مواويلى
يااسم انكتب جواى زلزل براكينى
يالهفة شوق على عهدك لحبك انا وافى
هى
بحبك حب يفيض م الكون وزياده
انا قلبى اتولد بلقاق ماهمه حساده
رقصت طيور الغرام صبحت انشاده
ياقلب جميل ملهش مثيل فى عناده
هو
لساى فاكر ايوا فاكرولاعمره هيتنسى
سهم اللى صابنى من عنيكى جواى رسى
ضحكة خدودك فاقت حدودى ماتتنسى
كان عهد بينا اسمه الصراحة منها مانختشى
هى
فاكر فى مكانا زرعنا ورده روناها يومها بحبنا
كانت تفتح واحلامنا عايشه فى ضلها
ودعينا يومها بقلوبنا يارب تمم فرحنا
جانا الحاسود مالقاله مطرح عندنا
هو
يانور البدر وانتى البدر لو جانى
يلحن جميل فى حلم جميل فى انغامى
هى
نديت قلبى لقيت قلبى فى احضانك بيتمايل
مليش غيرك فى دنيتى جو قلبى يحلالى
