فى عشق الإميره
فى عشق الإميره
كلمات / أيمن البكري
متقوليش أنا إل إخترت
داه أنا ياما بجد حاولت
مابيني وما بينك حاجز
خلاني ضعيف عاجز
شفتك بتضيعي من إيدي
وأنا ساكت ولا إتكلمت
أيام وسنين طويله
وأنا فى عشق الإميره
تايه ضايع أسير
شايف الحب ف عنيكي
لاكن أن أبقا ليكي
شئ صعب ومستحيل
قولتيها ألف مره
كانت صعبه عليا مره
الفرق بينا كبير
انا فين وإنتي فين
مش أنا قيس ياليلي
ولا إحنا عنتر وعبله
ولا عمرنا هنبقي
ذكري للعاشقين
وبقيتي لواحد تاني
وعشان أنا مش أناني
دلوقتي أنا لما أقابلك
بقول فى سري إل جابلك
يخليلك ياعمري
مش لما بتقابليني
بتشوفي حبك فى عيني
ياروحي وحلمي وأملي
شايف فى عنيكي لوم وإعتذار
وكأنك بتعاتبيني
كان صعب الإختيار
أنا وإنتي إستسلمنا
محدش فينا قدر يأخد قرار
وكأنها مسرحيه
والمخرج قرر ينزل الستار
فات وقت العتاب
مين الصادق مين الكداب
مبقاش شئ يفيد
مين فينا إل باع
وساب التاني ضاع
وعاش هو سعيد
ورغم كل داه
هتفضلي إنتي الحياه
وطوق النجاه لقلبي أكيد
دلوقتي لو إفتكرتك
وجأت ف خيالي صورتك
بقول من كل قلبي والله وحشتيني
داه إنتي لما بتبكي
بحس إن دموعك فى عيني
ياما كان نفسي تفضلي معايا
لاكن حكايتنا مش أول حكايه
تنتهي وتبقي دي النهايه
