متاهات بواقع حياة
في ناس كثير عايشة مكبوتة
تتجرع ظلم مش قادرة
تتكلم بتكتب كلام كل كلمة
لها ألف معنى ومعاناة
من واقع مرير وظلم وعداوة
دينا غابة
ناس باعت ضميرها
و بألف وش بتعيش أدوار
مختلفة و ثانوية عامة
وطالبة ضايعين
والبطالة وخريجين قاعدين
بالشوارع ومهندسين قاعدين
وكليات وطالبة أوائل قاعدين
وطبور من المشاكل طويل
دا حتي رغيف العيش الحكومة
بتدعمه للمواطن بخمسة
قروش لكن الصنعة
مفيش ضمير ؟؟؟
بعض أفران العيش ليس كل
في منهم بيروح يودي الماكنة
كل يوم ٣ شيكارة
يفصله من الرادة
للأصحاب والمعارف
وطبعا نخالة الدقيق تضاف
علي باقي العجين
طبعا بيعجنوة بالرادة
للمواطن العادي
تجي تاكل العيش كأنك بتاكل
سرس للطيور وأسود
وان بات ريحته كريهه
ناس كثير موجوعة
من اللي بتشوفه
واللي بيحصل وتقرأ كلام
يوجع وبين السطور تشوف دموع وألم وجرح بقلب
ناس فقيرة مش لاقية
سكن وتعليم ومصاريف
والدخل ضعيف
مش مكفي في وسط
غلاء الأسعار
وتجي تطبل ولا ترقص تأخد
بالألوف واللي بيسرق
بمال الشعب واللي بيملي
جيوبه بالحرام
دا مال شعب الكل له فيه
اما يسافر ويهرب ويتحول بارة
وهنا يلطموا علي الخدود
وأي كلام مفيش منه فايدة
كله تخدير ذي بنج بتاع وقته
بعد كده الصراخ
والألم يعيد نفسه من جديد
ساقية دايرة وناس
بتموت من الجوع
وناس تايهه
وناس بتبيع برخيص
مهما كان عدد المال
قدام بيع الحياء والكرامة
لكن في كثير
مظلوم ومدبوحة
عايشة ضايعة
بتضطر والشياطين كثير
وأولهم أو سبحة وعامل شيخ
ويدعي الفضيلة
تسمع حكايات وتشوف
عجب وناس كثير
بتتألم وربنا يرحم عبادة
من عبادة الظالمين
الكاتبة الأستاذة
حميده الحنفي
٢٠٢٢/٨/١٩
السبت
