والعيش والملح
كلمات/
أيمن البكري
والعيش والملح إل بينا
أنا عمرى ما فكرت أخونك
إنت إل تفكيرك دايماً
سابق ظنونك
طيب داه أنا ضحيت بحاجات كتير
علشان خاطر عيونك
مين إل قالك إنى
نسيت زمانك
صدقته ليه وإنت عارف
إنى بموت لو حد هانك
طيب داه إنت عارف
إنت ب النسبالى إيه
وإيه مكانك
داه أنا محستش بطعم حياتى
غير وأنا جنبك
لو قلتلك ١٠٠ مليون
كلمة بحبك
مش هتوصف
إل ف قلبى ليك
بتقول إنك نسيتنى
طيب إسأل قلبك
بتحب مين
وعايزه يفضل جنبك
هيجاوبك ب إسمى
وهتشهد عنيك
والعيش والملح إل بينا
وأحلامنا وكل أمالنا
وكل حاجه حصلت
كانت غصب عنا
وف كل لحظه إتألمنا
كانت فيه حاجه بتطمنا
ولو كنا حتى بعدنا
هتعيش كل وعودنا
مستحيل نقدر ننسى
حاجه غاليه على قلوبنا
