ذكريات
كلمات
……. أيمن البكري………
عدى الوقت ومر وفات
وعدت عليا حاجات
وأنا عايش وراضى
بحاول أنسى الماضى
كل إل عملته
ضاع منى على الفاضى
وكل إل كان بينا
بقا ذكريات
ذكريات
ساعات كتير توجعنا
للماضى بترجعنا
تفكرنا ب أيام حلوه
لما كنا بنسمع غنوه
ونعيدها ونغنيها
ونحلف بعديها
مفيش حاجه أبداً
ممكن يوم تبعدنا
ونفكر نفسنا ب الوعد
مش هنكمل غير مع بعض
مهما حصل مهما قابلنا
مفيش حاجه هتغيرنا
وهنعدى وندوس على الصعب
وفجأه تلاقى
واحد على التانى
مش باقى
وبعد مليون رسالة حب
وكلام بورد وقلوب
تيجى رساله
وتقرأ تلاقى المكتوب
أنا مش ليك
وإنت مش علشانى
ولو بتحبنى بجد
إبعد عنى وإنسانى
وتنتهى فى لحظه القصه
وتعدى عليها سنين
وإحنا ولا عمرنا بننسى
مهما حصل ووصلنا لفين
عمر الدنيا ما بتجمع حبيبين
والنهايه الحلوه
ممكن نشوفها فى الحلم
أو مشهد فى نهاية فيلم
إنما الواقع دايماً مؤلم وحزين
