ياما نااااااااس
بقلم / عماااد الأبنودي
•••••••••••••••••••
ياما نااااس أصيلة تقابلهم
تتحط ع الجرح يطيب
و ناس لئيمه تصادفهم
ما تعرفشي معني العيب
و ناس عزيزة تعرفهم
و لو مفيش مليم ف الجيب
و ناس العوج بس طريقهم
مالهاش أبدأ حبيب
و ناس توفي و تخلص
و تملي للقلب قريب
و ناس بلسم في كلامهم
و ليهم بالمجالس نصيب
و ناس صيتهم سابقهم
زي المسك بريحة الطيب
و نااااااااااس الكلام ….
ما يوفهمش حقهم
مهما رؤياهم تغيب
و ناس البسمة ف وشوشهم
لأي شخص غريب ….
و نااااس تشوفهم تحبهم
كده لله شيء عجيب
و ناس ما شفتش زيهم
قلبي يشتاقلهم بشكل رهيب
بقلم / عماااد الأبنودي
9 , 9 , 2022