مبروك عليكى
كلمات………. أيمن البكري
جايه بتقوليلى إنك إخترتيه
وإن هو داه إل إنتى بتحبيه
مبروك عليكى
وألف مبروك عليه
كنتى مستنيه يعنى هأقولك إيه
بس عنيكى بتقول إنك كدابه
ونسيتى إن أنا حافظك وقاريكى
إنتى بس شغلتى الحسابه
وطلع فى الحسابات هو الإفضل ليكى
الحمد لله إن الحكايه إنتهت بدرى بدرى
وإن لحد كده نصيبى معاكى وقدرى
بقالى سنين طويله معاكى
فهمتك غلط وإتخدعت فيكى
إذاى مفهمتش إن الماديات
هى كل همك
عمرى محاسبتك على إل فات
ولا خدت بالى إن الفلوس
بتجرى فى عروقك ودمك
وإن أنا كنت دايماً فى نظرك
أقل من طموحك وحلمك
إتحملتك كتير ورضيت بظلمك
على أمل إنك هتغييرى
أتارينى يدوب مشهد فى فيلمك
وهينتهى وإنتى فيه بتدمرى
أنا مش ها ألومك
ولا حتى هعاتبك
علشان عارف إن مفيش
حد غيرى جوه قلبك
ومش ندمان على السنين
إل كنت فيها جنبك
علشان أنا بردوا لسه بحبك
بس عايز أقولك
إن إل إشتراكى ب الفلوس
وعارف إنك بتحبى حد تانى
بكره يشترى واحده تانيه
وبكل سهوله عليكى يدوس
ويبيعك من غير ما يفكر حتى ثانيه
