خواطر ايمانية
خالد سيد
مش كل الصدقات فلوس انك تبتسم فى وش الناس دى صدقه
انك تحسن الظن دى صدقه ان لما حد يطلب منك النصيحه تنصحه بما يرضى الله دى صدقه انك تتمنى الخير للغير دى صدقه
انك ماتحسدش حد ولا تحقد على حد دى صدقه انك تكون سبب فى اعطاء طاقة ايجابيه للى حواليك دى صدقه انك تغيث ملهوف جاى يستنجد بيك دى صدقه انك تشوف خناقه وتدخل تحلها وتهدى الناس دى صدقه
انك تجبر بخاطر الناس وماتكسفش حد دى صدقه
انك تروح تزور مريض وتشد على ايده وتقويه دى صدقه انك ماتكسفش حد لجاء ليك وتحاول تعمله اللى طلبه دى صدقه انك تبقى تعبان ومهموم ومع ذلك تيجى على نفسك علشان حد استنجد بيك دى صدقه انك تدعى لحد بظهر الغيب دى صدقه
انك تكون سبب فى ادخال السرور على قلب حد دى صدقه انك تسمع شكوى من حد مجروح وجاى يفضفضلك دى صدقه
انك تساعد حد يشتغل وتكون سبب فى رزقه دى صدقه انك تتعاطف مع حد وتشيل همه دى صدقه انك ماتخافش على رزقك من حد وتسيبها على الله دى صدقه انك تكون رحيم باللى حواليك وضميرك سليم دى صدقه انك تتعامل بما يرضى الله وقلبك حلو دى صدقه
كون ان ربنا يبعتلك فى سكتك حد يقولك انا برتاح فى كلامى معاك ده رزق من ربنا عليك
ان الناس تتوسم فيك الامانه وتأمنك على سرها ده رزق
انك وانت ماشى تقابل حد محتاج مساعده وتساعده ده رزق
انك ربنا يقذف فى قلبك الرحمه واللين ده رزق كل دى اسباب انك تاخد حسنات وانت اللى محتاج الحسنات دى مش الطرف التانى فأستغلوها ماتضيعوهاش احنا مش عارفين ستر ربنا علينا سببه ايه يمكن فى يوم سترنا مؤمن يمكن فى يوم اغثنا ملهوف يمكن فى يوم دعينا لحد بظهر الغيب كله بيقعد كله مكتوب عند رب العباد كلها اسباب بس احنا مش عارفين انهى سبب فيهم اللى ربنا كارمنا علشانه وكلها حاجات سهله وبسيطه ومش حتكلفك حاجه والله بس ربنا حيجازيك عليها كتير خير الناس انفعهم للناس
ومااستحق ان يولد من عاش لنفسه فقط وسيد القوم خادمهم
اللهم اجعلنا ممن سخرتهم لقضاء حوائج الناس
خالد سيد
