إبعتلى صورتى
كلمات………….أيمن البكري
بعتالي صاحبتها بتقولي
متتكلمش عليا تاني
ولا تجيب في سيرتى
ومتقولش لحد تاني
دى كانت حبيبتى
ومهما سمعت عنى
مطلبتش منك
إنك ترد غيبتى
قولتهالك ألف مره إفهم بقا
كل إل كان بينا خلاص إنتهى
مش عايزه بسببك أعانى
وياريت بعد إذنك
متحاولش تكلمنى تانى
وإبعتلى صورتى
ها اقولك ايه وها اعمل ايه
في قلبي إل حاولت
كتير أدوس عليه
علشان ينسى وعلشان يقسى
على إل ضحى كتير علشانه
وكان رد الجميل إنه خانه
داس على عشرة السنين
ومطمرش الحب فيه
بعتالي صاحبتها
بتحكى كلامها وتفسر
وحاسس إن صوتها
حزين قوى ومتأثر
كانت شاهده على حكايتنا
وكل لحظه عدت في حياتنا
بتقولى ماكنتش اتمنى
إن كل داه يحصل
ارجعي وقوليلها شكراً
وكتر ألف خيرك
على الحب إل بعتيه
وعلى الإمل إل ضيعته
وعلى الحلم
إل بنيته ف سنين
وإنتى ف ثانيه هدتيه
ومش هموت أنا بعدها
وهعيش وهكمل من غيرها
ومش هتفرق معايا ف شىء
