من يوم ما سبتينى
كلمات/ أيمن البكري
من يوم ما سبتينى
وأنا قاتلنى الحنين
مش بتعدى الإيام
وصعبه قوى السنين
حاجات كتير بعدك ضاعت
وناس كنت شاريهم باعت
ومش فاضل غيرى
أنا وقلبى الحزين
بحلم كل يوم
إنى أقابلك وأشوفك
وتحكيلى إل حصل
وكانت إيه ظروفك
وأطمنك وأطمن عليكى
وأمسح من جواكى
دموعك وحزنك وخوفك
وحشانى قوى ونفسى أحضنك
ياترى ذى ما إنتى ذى ما أنا عارفك
زمان كنت بنسى كل الدنيا
ببوسه واحده من شفايفك
ساعات مع نفسى بتخيلك
وبحس إنى لامسك وشايفك
من يوم ما سبتينى
دموعى ما فارقتش عينى
وبعدتى غصب عنك
مش كنت حته منك
ولا إنتى قدرتى تنسينى
