الراجل من شدة احساسه بالمسئولية والوقت أحمد أبو سمك
…النهاردة فى ملتقى توطين الصناعة فى مصر وانطلاق مبادرة ابدا ..بيطالب الناس الشغالة فى القطاع الحكومى تنجز وتشتغل اسرع …وتتعامل مع الشغل والاجراءات كانها بتعمله لنفسها
وبيقول انه قبل ما يوصل للملتقى …كان بيفكر انه يعمل المكتب عنده هو عشان ينجز وينهى اجراءات اى مشروع اكتر من ٥٠٠ مليون عشان ينجز للناس ورقها وشغلها بسرعة
هو بيتكلم بجد و بمنتهى الصدق …خايف على الوقت مش عايز يضيع فرصة استثمارية او صناعية واحدة بسبب روتين او كسل
كلامه حيحس به ويفهمه اى حد فى موقع ادارة ومسئولية واللى تحت ايده وبيشتغلوا معاه مش بيشتغلوا بنفس السرعة اللى تلبى طموحاته …
هو مش بيقلل من الناس وشغلها….لكن هو عايز الاسرع والاستثنائى لانه مؤمن ان المرحلة دى محتاجة اجراءات غير تقليدية وده اللى حيتعمل الفترة دى ..قرارات بتسهيل اجراءات
مش بس كده …الريس عرض النهاردة على المستثمرين ورجال الاعمال والصناعة المصريين فى القطاع الخاص اصحاب الصناعات والمشاريع المهمة انه الدولة حتشارك معاهم بنسبة باى نسبة لو هم عايزين مش عشان الدولة بتدور على مكسب ولكن عشان ما يخافوش وياخدوا الثقة ويبداوا فورا
🔴الراجل ده بجد لو كان بيحكم ويدير فى بلد زى المانيا مثلا ..وتحت ايده منظومة عمل وجهاز ادارى حكومى بيشتغل بنفس سرعته هو …. كان زمانه عمل معجزات اكبر واكبر …
مش بس مستلم البلد خرابة وصناعة متجرفة ومصانع متباعة ومكن مصدى ..ده كمان وارث معاهم جهاز حكومى اداراى مترهل …
احلامه وطموحه وسرعته فى العمل …فارقة كتيييير جدا بجد
محتاجين ١٠٠ مليووون سيسي فى مصر بنفس الحماس والاخلاص والسرعة فى الاداء
