قصيدة
قفص الإتهام
أيمن البكري
بتتهمنى كتير إنى أنانى
وإنى عايش لنفسى وبس
وعمرى ما فكرت في حد تانى
وبقيت لا بشوف ولا بحس
تغلط فيا وأقول معلهش
وأحاول أنسى ومفكرش
تبعد عنى وتنكر تعبى
وتقول عليا معندوش شخصيه
تافه صايع ضايع لعبى
ومش قد المسئوليه
كل صفات الخلق الوحشه فيا
ومفكرش فى يوم يسأل مالى
ومطبطبش مره عليا
ماشفتش منه فى لحظه حزن
حب ولا حنيه
ولا إفتكر مره يجبلى هديه
أحس فيها إنى إم عياله
خلاص خلصتى كل الكلام
وخلتينى مذنب جوه قفص الإتهام
عمرك سألت نفسك مره
أنا فى شغلى بعمل إيه
بتعب ودايماً تحت ضغوط
ولا كله ماشى وتمام
شوفى كده أنا عايش ليه
ومعايا إيه وبصرف كام
هتلاقى كل حياتى علشانكم
وإنى على نفسى بفضلكم
حتى لو كنت بموت
نفسى إنتى
فى مره تحسى
إن أنا إنسان
وعندى مشاعر
وإنى طول اليوم شقيان
وبحاول أكون قدامك عادى
وتعبى قدامك مش ظاهر
نفسى أرجع ألاقى ضحكه
تنسينى ألمى ووجعى
حضن يساعنى
وودن تتحمل شكوتى وتسمعنى
وقلب أحس معاه ب أمان
بتعاقبينى على السهو والنسيان
ينفع يعنى تقولى عليا ضعيف وجبان
عمرى ما حسيت إن ليا جواكى مكان
عمرى ما شفت منك غير حرمان
