كتب:- سعيد ابراهيم السعيد
أحد الاصدقاء كتب لي في تعليق
لسه بتجيب حجج ومبررات يااستاذ سعيد
تقريباً حضرتك مش عايش معانا
ومش شايف الغلاء اللى فاق كل الحدود
عايز اقول والله انا ظروفي أصعب من ظروفكم واللي رزقك وتكفل بيك والدولار ٩٠ قرش هو اللي هيرزقك ويتكفل بيك والدولار ٢٧ جنيه
غلاء السعر أو رخصة مش هيغير رزق ربنا
” وَفِي السَّمَاءِ رِزْقُكُمْ وَمَاتُوعَدُونَ “
الحاجة التانية انا بحب ابشر الناس ديماً علشان انا عايش بمبدء
(بشروا ولا تنفروا)
محدش يبس الرعب والخوف ويوعظ الناس بالفقر إلا الشيطان وبس
لكن اللي يعرف ربنا حق يوعظ الناس بحسن الظن بالله
كان رسول الله صل الله عليه وسلم يحب البشارة ويكثر من قول “أبشروا” وقوله “بشروا ولا تنفروا، ويسروا ولا تعسروا”
فيا أخي الكريم لا تحبس الكلام الطيب في قلبك أبداً امدح وأشكر وطمئن وبشر وقل خيراً للجميع
فالكلام الطيب وطمأنة الناس عبادة وهداية
يقول الله عز وجل
“وهُدوا إلى الطيب من القول وهُدوا إلى صراط الحميد”
وعايز اقول لكل الناس
يالي شايل هم لــ بكره
وشاغل بالك بالتفكير
إنسى الهم وريح بالك
بكره بإيد صاحب التدبير
عندة الحل لكل مشاكلك
مهما يكون الأمر خطير
هو هيصلح بكرة ووحده
هو القادر ع التغير
صلى وقوله يارب دبرنا
تلقى نهاية صبرك خير
فيا صديقي إذا ضاقت عليك الأمور وأُغلقت الأبواب في وجهك ، فمفتاح ذلك كله حسن الظن بالله واليقين بأن الأمر كله لله
نحمد الله على كل حال وإللي خلقنا مش هينسانا.
#حفظ_الله_مصر
