…………النهاية ………
بكره نموت ننتهي
والأرض توارينا
ونبقي ذكري وتراب
وكأن ماجينا
واللي هيفضل عملنا
لو خير ينجينا
وسيرة بين الناس
بالفاتحة تهدينا
ونكون في حاجة لدعا
من أبن كان لينا
أو بنت عارفه
حقوق الوالدين فينا
وبرضوا صاحب
في حب الله مانسينا
وياريت يكونلك عمل
أو صدق ياأخينا
بلا أنقطاع يفضل
عملك في وسطينا
أخبر بذلك محمد
شفيعنا وهادينا
دنيا وفيها العجب
يارب عدينا
منها بخير وسلام
ونموت ماتغرينا
وان حد لينا ظلم
فأحنا مسامحينا
وان كنا يوم ظالمين
فالله يجازينا
هو اللي عالم بنا
هو اللي ناشينا
يارب بالمصطفي
أرحمنا وعافينا
وأغفر ذنوبنا
في يوم الدين وراضينا
بقلم .. مجدي احمد
