التربية والأخلاق والاحترام ربوا أولادكم عليها
لما بنت تقع قدامك في الشارع اعمل نفسك ما اخدتش بالك..
لما راجل عجوز يقعد يتكلم معاك انت كمان دردش معاه ممكن يكون ابنه سابه ومشى أو مات وحاسس ان روحك فيها من ابنه ف ملقاش غيرك انت يفضفضلك..
لما تكون راكب ميكروباص وتلاقى طفل على حجر امه عمال يعيط ماتقعدش تطأطأ لأنك كده بتحرجها اكيد يعنى هى برده مش عاجبها انها تزعج الناس بإبنها..
لما تلاقى ست فى ميكروباص شايلة شيلة كبيرة ومعاها بط وسمك وقعدت جنبك وزهقتك ماتقعدش تنفخ برده لانها مش معاها فلوس تركب تاكسي ومتقدرش تمشي مسافة طويلة بالشيله دى..
لما تلاقى شاب استايله قديم ماتضحكش عليه هو كل المشكلة ان ربنا مداهوش امكانيات يكون جامد اوي زيك..
لما تلاقى شاب لسة بياخد امه معاه تشتريله هدوم ماتتريقش ممكن ماتكونش جاتله الفرصة انه يكون عنده زوق فى اللبس زيك وممكن يكون هو بيحب امه وبيتبارك بيها فخليك فى حالك..
لما تلاقى واحد ربنا ابتلاه بإعاقة مع امه ماتبصلوش بضحك أو تخوف صحابك منه لان ده والله بيأثر على الأم بطريقة سلبية وبتأذيها فى لـ أسوأ فبلاش تكون انت السبب فى كدة.. لما تلاقي حد طول الوقت حزين وتعبان متقولش انه كئيب ونكدي لأن وارد جدًا تكون طاقته على التحمل نفذت وشاف اللى يخليه يفقد ابتسامته نهائياً.. بقلم يحيي عميش
