حالة حداد.
جوه البلاد
رعب وفزع جوه القلوب
والخوف بيعصف بالعباد
كل البلاد اتغيرت
وف لحظة بارت أرضها
دبلت عيدانها
وغاب جمالها وضيله
الكل هربان في البيوت
خايف ليهلك أو يموت
مخنوقة ليه يادي الحياه
رسمالنا ليه صورة تابوت
هو احنا توهنا في دربنا
ولا غضب من ربنا
خلانا عايشين كلنا
تايهين في حالة من الحداد
والليل طويل محتاج نهار
ينسج قلوب تقدر تعيش
من غير صراع أو انكسار
وصبحنا خايفين من الدمار
وف كل يوم مليون سؤال
ازاي نعدي بر الامان
دي أكيد رسالة من الإله
سبحانه ودي حِكمته
خلانا نيجي للحياة
ونعيشها بس برحمته بقلم دعاء نور
